وہ شاعری جو آپ کو ورثے میں ملی۔ وہ اشعار جو آپ سنبھالتے ہیں۔

عشق نے غالب نکمّا کر دیا

ورنہ ہم بھی آدمی تھے کام کے

یہ نہ تھی ہماری قسمت کہ وصالِ یار ہوتا

اگر اور جیتے رہتے یہی انتظار ہوتا

کوئی امید بر نہیں آتی

کوئی صورت نظر نہیں آتی

رات رکی ہے آن کر زرد سفید گھاس پر

لاکھ سخن ہے درمیاں کس سے کسے جدا کروں

شاخ ہلی تو ڈر گیا دھوپ کھلی تو مر گیا

کاش کبھی تو جیتے جی صبح کا سامنا کروں

پتا چلا کوئی گرداب سے گزرتے ہوئے

نہ بند ہوتے ہوئے باب سے گزرتے ہوئے

کہ یہ تو رکھتا پریشان ہی مجھے شب بھر

میں جاگ اٹھا ہوں ترے خواب سے گزرتے ہوئے

میں اپنے دل کے اندھیروں کو یاد رکھتا ہوں

ترے بدن کی تب و تاب سے گزرتے ہوئے

ہوائے خوف خزاں میں لرزتا رہتا ہوں

کسی بھی وادئ شاداب سے گزرتے ہوئے