مومن خان مومن

تم مرے پاس ہوتے ہو گویا

جب کوئی دوسرا نہیں ہوتا

اثر اس کو ذرا نہیں ہوتا

رنج راحت فزا نہیں ہوتا

وہ جو ہم میں تم میں قرار تھا تمہیں یاد ہو کہ نہ یاد ہو

وہی یعنی وعدہ نباہ کا تمہیں یاد ہو کہ نہ یاد ہو

الفت کا جب نتیجہ دیدار ہو گیا

اب حسن و عشق دونوں کا اعتبار ہو گیا

مر گئے ہم جو غیر کی سنی

ہجر میں اضطراب کس کو تھا

رویا کریں گے آپ بھی پہروں اسی طرح

اٹکا کہیں جو آپ کا دل بھی مری طرح

عمر ساری تو کٹی عشقِ بتاں میں مومن

آخری وقت میں کیا خاک مسلماں ہوں گے

شب جو مسجد میں جا پھنسا مومن

رات کاٹی خدا خدا کر کے