وہي جواں ہے قبيلے کي آنکھ کا تارا

شباب جس کا ہے بے داغ ، ضرب ہے کاري

اگر ہو جنگ تو شيران غاب سے بڑھ کر

اگر ہو صلح تو رعنا غزال تاتاري

عجب نہيں ہے اگر اس کا سوز ہے ہمہ سوز

کہ نيستاں کے ليے بس ہے ايک چنگاري

نے اس کو ديا ہے شکوہ سلطاني

کہ اس کے فقر ميں ہے حيدري و کراري

کم سے نہ ديکھ اس کي بے کلاہي کو

يہ بے کلاہ ہے سرمايہ کلہ داري

جو میں سر بہ سجدہ ہوا کبھی تو زمیں سے آنے لگی صدا

ترا دل تو ہے صنم آشنا تجھے کیا ملے گا نماز میں

کبھی جو آوارۂ جنوں تھے وہ بستیوں میں پھر آ بسیں گے

برہنہ پائی وہی رہے گی مگر نیا خار زار ہوگا

سنا دیا گوش منتظر کو حجاز کی خامشی نے آخر

جو عہد صحرائیوں سے باندھا گیا تھا پھر استوار ہوگا

دیار مغرب کے رہنے والو خدا کی بستی دکاں نہیں ہے

کھرا جسے تم سمجھ رہے ہو وہ اب زر کم عیار ہوگا

کہا جو قمری سے میں نے اک دن یہاں کے آزاد پا بہ گل ہیں

تو غنچے کہنے لگے ہمارے چمن کا یہ رازدار ہوگا

نہ پوچھ اقبالؔ کا ٹھکانہ ابھی وہی کیفیت ہے اس کی

کہیں سر رہ گزار بیٹھا ستم کش انتظار ہوگا

علامہ اقبال