فنون لطيفہ

اے اہل ذوق نظر خوب ہے ليکن

جو شے کي حقيقت کو نہ ديکھے ، وہ کيا

مقصود ہنر سوز حيات ابدي ہے

يہ ايک نفس يا دو نفس مثل شرر کيا

جس سے دل دريا متلاطم نہيں ہوتا

اے قطرئہ نيساں وہ صدف کيا ، وہ گہر کيا

شاعر کي نوا ہو کہ مغني کا نفس ہو

جس سے چمن افسردہ ہو وہ باد سحر کيا

بے معجزہ دنيا ميں ابھرتي نہيں قوميں

!جو ضرب کليمي نہيں رکھتا وہ ہنر کيا

جو میں سر بہ سجدہ ہوا کبھی تو زمیں سے آنے لگی صدا

ترا دل تو ہے صنم آشنا تجھے کیا ملے گا نماز میں

کبھی جو آوارۂ جنوں تھے وہ بستیوں میں پھر آ بسیں گے

برہنہ پائی وہی رہے گی مگر نیا خار زار ہوگا

سنا دیا گوش منتظر کو حجاز کی خامشی نے آخر

جو عہد صحرائیوں سے باندھا گیا تھا پھر استوار ہوگا

دیار مغرب کے رہنے والو خدا کی بستی دکاں نہیں ہے

کھرا جسے تم سمجھ رہے ہو وہ اب زر کم عیار ہوگا

کہا جو قمری سے میں نے اک دن یہاں کے آزاد پا بہ گل ہیں

تو غنچے کہنے لگے ہمارے چمن کا یہ رازدار ہوگا

نہ پوچھ اقبالؔ کا ٹھکانہ ابھی وہی کیفیت ہے اس کی

کہیں سر رہ گزار بیٹھا ستم کش انتظار ہوگا

علامہ اقبال