جبريل وابليس

ہمدم ديرينہ! کيسا ہے جہان رنگ و بو؟

سوز و ساز و درد و داغ و جستجوے و آرزو

ہر گھڑي افلاک پر رہتي ہے تيري گفتگو

کيا نہيں ممکن کہ تيرا چاک دامن ہو رفو؟

آہ اے جبريل! تو واقف نہيں اس راز سے

کر گيا سرمست مجھ کو ٹوٹ کر ميرا سبو

اب يہاں ميري گزر ممکن نہيں ، ممکن نہيں

!کس قدر خاموش ہے يہ عالم بے کاخ و کو

جس کي نوميدي سے ہو سوز درون کائنات

اس کے حق ميں 'تقنطوا' اچھا ہے يا 'لاتقظوا'؟

کھو ديے انکار سے تو نے مقامات بلند

!چشم يزداں ميں فرشتوں کي رہي کيا آبرو

ہے مري جرأت سے مشت خاک ميں ذوق نمو

ميرے فتنے جامہء عقل و خرد کا تاروپو

ديکھتا ہے تو فقط ساحل سے رزم خير و شر

کون طوفاں کے طمانچے کھا رہا ہے ، ميں کہ تو؟

خضر بھي بے دست و پا ، الياس بھي بے دست و پا

ميرے طوفاں يم بہ يم ، دريا بہ دريا ، جو بہ جو

گر کبھي خلوت ميسر ہو تو پوچھ اللہ سے

!قصہء آدم کو رنگيں کر گيا کس کا لہو

ميں کھٹکتا ہوں دل يزداں ميں کانٹے کي طرح

تو فقط اللہ ھو ، اللہ ھو ، اللہ ھو