کوہ کے ہوں بار خاطر گر صدا ہو جائیے
بے تکلف اے شرار جستہ کیا ہو جائیے
بیضہ آسا ننگ بال و پر ہے یہ کنج قفس
از سر نو ہو گر رہا ہو جائیے
وسعت مشرب نیاز کلفت وحشت اسدؔ
یک بیاباں سایۂ بال ہما ہو جائیے
رکھیے ناز ہائے التفات اولیں
آشیان طائر رنگ حنا ہوجائیے
لطف عشق ہریک انداز دگر دکھلائیے گا
بے تکلف یک نگاہ آشنا ہوجائیے
داداز دست جفائے صدمہ ضرب المثل
گر ہمہ افتادگی جوں نقش پا ہوجائیے
Responses
No comments yet. Be the first to respond.
کشاکش ہاۓ ہستی سے کرے کیا سعی آزادی
ہوئی زنجیر موج آب کو فرصت روانی کی
نشہ ہا شاداب رنگ و ساز ہا مست طرب
شیشۂ مے سرو سبز جوئبار نغمہ ہے
وفائے دلبراں ہے اتفاقی ورنہ اے ہمدم
اثر فریاد دل ہاۓ حزیں کا کس نے دیکھا ہے
بہ سختی ہاۓ قید زندگی معلوم آزادی
شرر بھی صید دام رشتۂ رگ ہاۓ خارا ہے
تصور بہر تسکین تپیدن ہاۓ طفل دل
بہ باغ رنگ ہاۓ رفتہ گل چین تماشا ہے
بجا ہے گر نہ سنے نالہ ہائے بلبل زار
کہ گوش گل نم شبنم سے پنبہ آگیں ہے