صوفی شعلے: اردو شاعری میں تصوف

تہمتیں چند اپنے ذمے دھر چلے

جس لیے آئے تھے سو ہم کر چلے

ارض و سما کہاں تری وسعت کو پا سکے

میرا ہی دل ہے وہ کہ جہاں تو سما سکے

کیا کہوں کچھ کہا نہیں جاتا

اب تو بن تیرے رہا نہیں جاتا

یاد کرنا ہر گھڑی اس یار کا

ہے وظیفہ مجھ دلِ بیمار کا

پتا پتا بوٹا بوٹا حال ہمارا جانے ہے

جانے نہ جانے گل ہی نہ جانے باغ تو سارا جانے ہے

دکھائی دیے یوں کہ بے خود کیا

ہمیں آپ سے بھی جدا کر چلے