tod lenge har ik shay se rishta tod dene ki naubat toh aae
ham quayaamat ke khud muntazir hain par kisi din quayaamat toh aae
ham bhi suquraat hain ahad-e-nau ke tishna-lab hi na mar jaaein yaaro
zahar ho yaa mai-e-aatishin ho koi jaam-e-shahaadat toh aae
ek tahzeeb hai dosti ki ek meyaar hai dushmani ka
doston ne murawwat na seekhi dushmanon ko adaawat toh aae
rind raste mein aankhein bichhaaein jo kahe bin sune maan jaaein
naaseh-e-nek-teenat kisi soo-e-koo-e-malaamat toh aae
ilm o tahzeeb taareekh o mantique log sochenge in masaalon par
ke mashaqqat-kade mein koi ahad-e-faraaghat toh aae
kaamp utthein quasr-e-shaahi ke gumbad tharathraae zamin maabdon ki
koocha-gardon ki wahshat toh jaage gham-zadon ko baghaawat toh aae
Responses
No comments yet. Be the first to respond.