hazaaron khwahishen aisi ke har khwahish pe dam nikle
bahut nikle mere armaan lekin phir bhi kam nikle
dil-e-nadaan tujhe hua kya hai
aakhir is dard ki dawa kya hai
ishq ne ghalib nikamma kar diya
warna hum bhi aadmi the kaam ke
ye na thi hamari qismat ke visaal-e-yaar hota
agar aur jeete rehte yahi intezaar hota
koi ummeed bar nahi aati
koi surat nazar nahi aati
hain aur bhi duniya mein sukhanwar bahut achche
kehte hain ke ghalib ka hai andaaz-e-bayaan aur
bazicha-e-atfaal hai duniya mere aage
hota hai shab-o-roz tamasha mere aage
dil hi to hai na sang-o-khisht dard se bhar na aaye kyun
royenge hum hazaar baar koi humein sataaye kyun
mohabbat mein nahin hai farq jeene aur marne ka
usi ko dekh kar jeete hain jis kaafir pe dam nikle
unke dekhe se jo aa jaati hai munh par raunaq
wo samajhte hain ke beemaar ka haal achcha hai
hum ko maaloom hai jannat ki haqeeqat lekin
dil ke khush rakhne ko ghalib ye khayaal achcha hai
ragon mein daudte phirne ke hum nahin qaayal
jab aankh hi se na tapka to phir lahu kya hai
na tha kuchh to khuda tha kuchh na hota to khuda hota
duboya mujh ko hone ne na hota main to kya hota
aah ko chahiye ik umr asar hote tak
kaun jeeta hai teri zulf ke sar hote tak
ishrat-e-qatra hai dariya mein fana ho jaana
dard ka had se guzarna hai dawa ho jaana
rahiye ab aisi jagah chal kar jahaan koi na ho
hum-sukhan koi na ho aur hum-zabaan koi na ho
dard minnat-kash-e-dawa na hua
main na achcha hua bura na hua
ishq mujh ko nahin wahshat hi sahi
meri wahshat teri shohrat hi sahi
khudi ko kar buland itna ke har taqdeer se pehle
khuda bande se khud puchhe bata teri raza kya hai
sitaron se aage jahaan aur bhi hain
abhi ishq ke imtihaan aur bhi hain