lab pe paabandi toh hai ehsaas par pahra toh hai
phir bhi ahal-e- ko ahwaal-e-bashar kahna toh hai
khoon-e-aada se na ho khoon-e-shaheedan hi se ho
kuchh na kuchh is daur mein rang-e- nikhra toh hai
apni ghairat bech daalein apna maslak chhod dein
rahnumaaon mein bhi kuchh logon ka ye mansha toh hai
hai jinhein sab se ziyaada daawa-e-hubbul-watan
aaj un ki wajh se hubb-e-watan ruswa toh hai
bujh rahe hain ek ik kar ke aqueedon ke diye
is andhere ka bhi lekin saamna karna toh hai
jhoot kyoon bolein farogh-e-maslahat ke naam par
zindagi pyaari sahi lekin hamein marna toh hai
Responses
No comments yet. Be the first to respond.