khuddaariyon ke khoon ko arzan na kar sake
ham apne jauhron ko numaayan na kar sake
ho kar kharaab-e-mai tire toh bhula diye
lekin -e-hayaat ka darman na kar sake
toota tilism-e-ahad-e-mohabbat kuchh is tarah
phir aarzoo ki shama firozan na kar sake
har shay quareeb aa ke kashish apni kho gai
wo bhi ilaaj-e-shauque-e-gurezan na kar sake
kis darja dil-shikan the mohabbat ke haadse
ham zindagi mein phir koi arman na kar sake
maayoosiyon ne chheen liye dil ke walawle
wo bhi nashaat-e-rooh ka saaman na kar sake
Responses
No comments yet. Be the first to respond.