jurm-e-ulfat pe hamein log saza dete hain
kaise naadaan hain sholon ko hawa dete hain
ham se deewaane kahin tark-e-wafa karte hain
jaan jaae ki rahe baat nibha dete hain
aap daulat ke taraazoo mein dilon ko taulein
ham mohabbat se mohabbat ka sila dete hain
takht kya cheez hai aur laal-o-jawaahar kya hain
waale toh khudaai bhi luta dete hain
ham ne de bhi diya ahad-e-wafa le bhi liya
aap ab shauque se de lein jo saza dete hain
Responses
No comments yet. Be the first to respond.