jab kabhi un ki tawajjoh mein kami paai gai
az-sar-e-nau daastaan-e-shauque dohraai gai
bik gae jab tere lab phir tujh ko kya shikwa agar
zindagaani baada o saaghar se bahlaai gai
ai -e-duniyaa tujhe kya ilm tere waaste
kin bahaanon se tabeeat par laai gai
ham karein tark-e-wafa achchha chalo yoon hi sahi
aur agar tark-e-wafa se bhi na ruswaai gai
kaise kaise chashm o aariz gard-e-gham se bujh gae
kaise kaise paikron ki shaan-e-zebaai gai
dil ki dhadkan mein tawaazun aa chala hai khair ho
meri nazrein bujh gain yaa teri raanaai gai
un ka gham un ka tasawwur un ke shikwe ab kahan
ab toh ye baatein bhi ai dil ho gain aai gai
juraat-e-insan pe go taadeeb ke pahre rahe
fitrat-e-insan ko kab zanjeer pahnaai gai
arsa-e-hasti mein ab tesha-zanon ka daur hai
rasm-e-changezi uthi tauqueer-e-daaraai gai
Responses
No comments yet. Be the first to respond.