is taraf se guzre the quafile bahaaron ke
aaj tak sulagte hain zakhm rahguzaaron ke
khalwaton ke shaidaai khalwaton mein khulte hain
ham se poochh kar dekho raaz parda-daaron ke
gesuon ki chhaanw mein -nawaaz chehre hain
yaa hasin dhundalkon mein hain bahaaron ke
pahle hans ke milte hain phir nazar churaate hain
aashna-sifat hain log ajanbi dayaaron ke
tum ne sirf chaaha hai ham ne chhoo ke dekhe hain
pairhan ghataaon ke jism barque-paaron ke
shughl-e-mai-parasti go jashn-e-naa-muraadi tha
yoon bhi kat gae kuchh din tere sogwaaron ke
Responses
No comments yet. Be the first to respond.