hawas-naseeb ko kahin quaraar nahi
main muntazir hoon magar tera intizaar nahi
hamin se rang-e-gulistan hamin se rang-e-
hamin ko nazm-e-gulistan pe ikhtiyaar nahi
abhi na chhed mohabbat ke geet ai mutrib
abhi hayaat ka maahaul khush-gawaar nahi
tumhare ahad-e-wafa ko main ahad kya samjhoon
mujhe khud apni mohabbat pe etibaar nahi
na jaane kitne gile is mein muztarib hain nadeem
wo ek dil jo kisi ka gila-guzaar nahi
gurez ka nahi quail hayaat se lekin
jo sach kahoon ki mujhe maut naagwaar nahi
ye kis maquam pe pahuncha diya zamaane ne
ki ab hayaat pe tera bhi ikhtiyaar nahi
Responses
No comments yet. Be the first to respond.