har-chand miri quwwat-e-guftaar hai mahboos
khaamosh magar tab-e-khud-aara nahi hoti
maamoora-e-ehsaas mein hai hashr sa barpa
insaan ki tazleel gawaara nahi hoti
naalan hoon main bedaari-e-ehsaas ke haathon
duniyaa mire afkaar ki duniyaa nahi hoti
begaana-sifat jaada-e- se guzar ja
har cheez saza-waar-e-nazaara nahi hoti
ki mashiyyat bhi badi cheez hai lekin
fitrat kabhi be-bas ka sahaara nahi hoti
Responses
No comments yet. Be the first to respond.