dekha hai ko kuchh itne quareeb se
chehre tamaam lagne lage hain ajeeb se
ai rooh-e-asr jaag kahan so rahi hai tu
aawaaz de rahe hain payambar saleeb se
is rengati hayaat ka kab tak uthaaein baar
beemaar ab ulajhne lage hain tabeeb se
har gaam par hai majma-e-ushshaaque muntazir
maqtal ki milti hai koo-e-habeeb se
is tarah zindagi ne diya hai hamaara saath
jaise koi nibaah raha ho raqueeb se
Responses
No comments yet. Be the first to respond.