barbaad-e-mohabbat ki saath liye ja
toota hua iquraar-e-wafa saath liye ja
ik tha jo pahle hi tujhe saump diya tha
ye jaan bhi ai jaan-e-ada saath liye ja
tapti hui raahon se tujhe aanch na pahunche
deewaanon ke ashkon ki ghata saath liye ja
shaamil hai mira khoon-e-jigar teri hina mein
ye kam ho toh ab khoon-e-wafa saath liye ja
ham jurm-e-mohabbat ki saza paaenge tanha
jo tujh se hui ho wo khata saath liye ja
Responses
No comments yet. Be the first to respond.