jo be-sabaat ho us sarkhushi ko kya keeje
ye hai toh phir zindagi ko kya keeje
ruka jo kaam toh deewaangi hi kaam aai
na kaam aae toh farzaangi ko kya keeje
ye kyoon kahein ki hamein koi rahnuma na mila
magar sarisht ki aawaargi ko kya keeje
kisi ko dekh ke ik mauj lab pe aa toh gai
uthe na se toh aisi hansi ko kya keeje
hamein toh aap ne soz-e-alam hi bakhsha tha
jo noor ban gai us teergi ko kya keeje
hamare hisse ka ik juraa bhi nahi baaqui
nigaah-e-dost ki mai-khaangi ko kya keeje
jahan ghareeb ko naan-e-jawin nahi milti
wahan hakeem ke dars-e-khudi ko kya keeje
wisaal-e-dost se bhi kam na ho saki raashid
azal se paai hui tishnagi ko kya keeje
Responses
No comments yet. Be the first to respond.