kya kahein kis se pyar kar baithe
apne ko figaar kar baithe
ki ik quaba jo baaqui thi
us ko bhi taar taar kar baithe
aaj phir un ki aamad aamad hai
ham khizan ko bahaar kar baithe
waae us but ka waada-e-farda
umr bhar intizaar kar baithe
khud jo gham hain toh aaina hairan
kis ghazab ka singhaar kar baithe
ham tahi-dast tujh ko kya dete
jaan tujh par nisaar kar baithe
Responses
No comments yet. Be the first to respond.