kisi se bas ki -e-kushood-e-kaar nahi
mujhe ajal ke bhi aane ka etibaar nahi
jawaab naame ka quasid par laaya
ki jaanta tha use taab-e-intizaar nahi
ye kah ke uth gai baalin se meri sham-e-sahar
tamaam ho gai shab aur tujhe quaraar nahi
jo tu ho paas toh hoor-o-qusoor sab kuchh ho
jo tu nahi toh nahi balki zeenhaar nahi
khizan ke aane se pahle hi tha mujhe maaloom
ki rang-o-boo-e-chaman ka kuchh etibaar nahi
ghazal kahi hai ki moti piroe hain ai nazm
wo kaun sher hai jo durr-e-shaahwaar nahi
Responses
No comments yet. Be the first to respond.