bidaat masnoon ho gai hai
ummat mataoon ho gai hai
kya kahna tiri ka zaahid
gardoon ka sutoon ho gai hai
rahne do ajal jo ghaat mein hai
mujh par maftoon ho gai hai
hasrat ko ghubaar-e- mein dhoondo
zinda madfoon ho gai hai
wahshat ka tha naam awwal awwal
ab toh wo junoon ho gai hai
waaiz ne buri nazar se dekha
mai sheeshe mein khoon ho gai hai
aariz ke quareen gulaab ka phool
ham-rang ki doon ho gai hai
bandaa hoon tira zabaan-e-sheerin
duniyaa mamnoon ho gai hai
haidar shab-e-gham mein marg-e-naagaah
shaadi ka shugoon ho gai hai
Responses
No comments yet. Be the first to respond.