aa ke mujh tak kashti-e-mai saaquiya ulti phiri
aaj kya naddi bahi ulti hawa ulti phiri
aate aate lab par aah-e-naa-rasa ulti phiri
wo bhi mera hi dabaane ko gala ulti phiri
mud ke dekha us ne aur waar abruon ka chal gaya
ik chhuri seedhi phiri aur ik zara ulti phiri
la saka nazzaara-e-rukhsaar-e-raushan ki na taab
ja ke aaeene pe chehre ki ziya ulti phiri
raast-baazon hi ko peesa aasman ne din
wa-e-quismat jab phiri ye aasiya ulti phiri
jo bada bol ek din bole the pesh aaya wahi
gumbad-e-gardoon se takra kar sada ulti phiri
rizque kha kar ghair ki quismat ka zamboor-e-asal
tu ne dekha halque tak ja kar ghiza ulti phiri
tu sataaish-gar hai us ka jo hai tera madh-khwan
ye toh ai mushfique zameer-e-marhaba ulti phiri
jis par aai thi tabeeat ki usi ne kuchh na quadr
jins-e- maanind-e-jins-e-naarwa ulti phiri
yaa toh kushi doobti thi yaa chali saahil se door
waae naakaami phiri bhi toh hawa ulti phiri
girne waala hai kisi dushman pe kya teer-e-shahaab
aasman tak ja ke kyoon aah-e-rasa ulti phiri
ji gaya main us ke aa jaane se dushman mar gaya
dekh kar isa ko baalin par quaza ulti phiri
mar gaya be-maut main aakhir ajal bhi door hai
koocha-e-quatil ka batla kar pata ulti phiri
hijr ki shab mujh ko ulti saans lete dekh kar
ek hi dam mein wahan ja kar saba ulti phiri
hai mira weeraana-e-gham nazm aisa haul-naak
mauj-e-sail aai toh le kar boriya ulti phiri
Responses
No comments yet. Be the first to respond.