yaqueen ka agar koi bhi silsila nahi raha
toh shukr keejiye ki ab koi gila nahi raha
na hai na wasl hai ab is ko koi kya kahe
ki shaakh par toh hai magar khila nahi raha
khazaana tum na paae toh ghareeb jaise ho gae
palak pe ab koi bhi moti jhilmila nahi raha
badal gai hai zindagi badal gae hain log bhi
khuloos ka jo tha kabhi wo ab sila nahi raha
jo dushmani bakheel se hui toh itni khair hai
ki zahar us ke paas hai magar pila nahi raha
lahoo mein jazb ho saka na ilm toh ye haal hai
koi sawaal zehan ko jo de jala nahi raha
Responses
No comments yet. Be the first to respond.