saari hairat hai miri saari ada us ki hai
be-gunaahi hai miri aur saza us ki hai
mere alfaaz mein jo rang hai wo us ka hai
mere ehsaas mein jo hai wo faza us ki hai
sher mere hain magar in mein mohabbat us ki
mere hain magar baad-e-saba us ki hai
ik mohabbat ki ye tasweer hai do rangon mein
shauque sab mera hai aur saari haya us ki hai
ham ne kya us se mohabbat ki ijaazat li thi
-shikan hi sahi par baat baja us ki hai
ek mere hi siwa sab ko pukaare hai koi
main ne pahle hi kaha tha ye sada us ki hai
khoon se seenchi hai main ne jo zamin mar mar ke
wo zamin ek sitam-gar ne kaha us ki hai
us ne hi is ko ujaada hai ise loota hai
ye zamin us ki agar hai bhi toh kya us ki hai
Responses
No comments yet. Be the first to respond.