misaal is ki kahan hai koi zamaane mein
ki saare khone ke paae ham ne paane mein
wo shakl pighli toh har shay mein dhal gai jaise
ajeeb baat hui hai use bhulaane mein
jo muntazir na mila wo toh ham hain sharminda
ki ham ne der laga di palat ke aane mein
lateef tha wo takhayyul se khawaab se naazuk
ganwa diya use ham ne hi aazmaane mein
samajh liya tha kabhi ik saraab ko
par ik sukoon tha ham ko fareb khaane mein
jhuka darakht hawa se toh aandhiyon ne kaha
ziyaada farque nahi jhukne toot jaane mein
Responses
No comments yet. Be the first to respond.