kabhi kabhi main ye sochta hoon ki mujh ko teri talaash kyoon hai
ki jab hain saare hi taar toote toh saaz mein irtiaash kyoon hai
koi agar poochhta ye ham se bataate ham gar toh kya bataate
bhala ho sab ka ki ye na poochha ki pe aisi kharaash kyoon hai
utha ke haathon se tum ne chhoda chalo na daanista tum ne toda
ab ulta ham se toh ye na poochho ki sheesha ye paash paash kyoon hai
ajab do-raahe pe zindagi hai kabhi hawas ko kheenchati hai
kabhi ye sharmindagi hai dil mein ki itni fikr-e-maaash kyoon hai
na fikr koi na justujoo hai na khawaab koi na aarzoo hai
ye shakhs toh kab ka mar chuka hai toh be-kafan phir ye laash kyoon hai
Responses
No comments yet. Be the first to respond.