ke jangal mein phirte hain kab se maare maare log
jo hota hai sah lete hain kaise hain bechaare
jeewan jeewan ham ne jag mein khel yahi hote dekha
dheere dheere jeeti duniyaa dheere dheere haare log
waqt singhaasan par baitha hai apne raag sunaata hai
sangat dene ko paate hain saanson ke uktaare log
neki ik din kaam aati hai ham ko kya samjhaate ho
ham ne be-bas marte dekhe kaise pyaare pyaare log
is nagri mein kyoon milti hai roti sapnon ke badle
jin ki nagri hai wo jaanein ham thahre banjaare log
Responses
No comments yet. Be the first to respond.