dast-bardaar agar aap ghazab se ho jaaein
har sitam bhool ke ham aap ke ab se ho jaaein
chaudahwin hai toh khidki ke gira do parde
kaun jaane ki wo naaraaz hi se ho jaaein
ek khushboo ki tarah phailte hain mahfil mein
aise alfaaz ada jo tire lab se ho jaaein
na koi ishq hai baaqui na koi parcham hai
log deewaane bhala kis ke sabab se ho jaaein
baandh lo haath ki phailein na kisi ke aage
si lo ye lab ki kahin wo na talab se ho jaaein
baat toh chhed mire dil koi quissa toh suna
kya ajab un ke bhi jazbaat ajab se ho jaaein
Responses
No comments yet. Be the first to respond.