wo ham se aaj bhi daaman-kashan chale hai
kisi pe zor hamaara kahan chale hai miyan
jahan bhi thak ke koi kaarwan thaharta hai
wahin se ek naya kaarwan chale hai miyan
jo ek samt guman hai toh ek samt yaquin
ye toh yoonhi darmiyan chale hai miyan
badalte rahte hain bas naam aur toh kya hai
hazaaron saal se ik daastan chale hai miyan
har ik quadam hai nai aazmaaishon ka hujoom
tamaam umr koi imtihan chale hai miyan
wahin pe ghoomte rahna toh koi baat nahi
zamin chale hai toh aage kahan chale hai miyan
wo ek lamha-e-hairat ki lafz saath na dein
nahi chale hai na aise mein han chale hai miyan
Responses
No comments yet. Be the first to respond.