mauj-e-gul mauj-e-saba mauj-e- lagti hai
sar se pa tak wo saman hai ki lagti hai
ham ne har gaam pe sajdon ke jalaae hain charaagh
ab hamein teri gali raahguzar lagti hai
lamhe lamhe mein basi hai tiri yaadon ki mahak
aaj ki raat toh khushboo ka safar lagti hai
jal gaya apna nasheman toh koi baat nahi
dekhna ye hai ki ab aag kidhar lagti hai
saari duniyaa mein ghareebon ka lahoo bahta hai
har zamin mujh ko mire khoon se tar lagti hai
koi aasooda nahi ahal-e-siyaasat ke siwa
ye sadi dushman-e-arbaab-e-hunar lagti hai
waaquia shahar mein kal toh koi aisa na hua
ye toh akhbaar ke daftar ki khabar lagti hai
lakhnaoo kya tiri galiyon ka muqaddar tha yahi
har gali aaj tiri khaak-basar lagti hai
Responses
No comments yet. Be the first to respond.