har ek shakhs pareshaan-o-dar-badar sa lage
ye shahar mujh ko toh yaaro koi bhanwar sa lage
ab us ke tarz-e-tajaahul ko kya kahe koi
wo be-khabar toh nahi phir bhi be-khabar sa lage
har ek ko khushi ki tarah baratna hai
ye daur wo hai ki jeena bhi ik hunar sa lage
nashaat-e-sohbat-e-rindan bahut ghaneemat hai
ki lamha lamha pur-aashob-o-pur-khatar sa lage
kise khabar hai ki duniyaa ka hashr kya hoga
kabhi kabhi toh mujhe aadmi se dar sa lage
wo tund waqt ki rau hai ki paanw tik na sakein
har aadmi koi ukhda hua shajar sa lage
-e-nau ke mukammal singaar ki khaatir
sadi sadi ka zamaana bhi mukhtasar sa lage
Responses
No comments yet. Be the first to respond.