ko har lamha bachaate rahe jazbaat se ham
itne majboor rahe hain kabhi haalaat se ham
nashsha-e-mai se kahin pyaas bujhi hai ki
tishnagi aur badha laae kharaajaat se ham
aaj toh mil ke bhi jaise na mile hon tujh se
chaunk uthte the kabhi teri mulaaquat se ham
ishq mein aaj bhi hai neem-nigaahi ka chalan
pyar karte hain usi husn-e-riwaayaat se ham
markaz-e-deeda-e-khubaan-e-jahan hain bhi toh kya
ek nisbat bhi toh rakhte hain tiri zaat se ham
Responses
No comments yet. Be the first to respond.