ai -e-ishq tujh se mukarne laga hoon main
mujh ko sambhaal had se guzarne laga hoon main
pahle haqueequton hi se matlab tha aur ab
ek aadh baat farz bhi karne laga hoon main
har aan tootte ye aqueedon ke silsile
lagta hai jaise aaj bikharne laga hoon main
ai chashm-e-yaar mera sudharna muhaal tha
tera kamaal hai ki sudharne laga hoon main
ye mehar-o- arz-o-sama mujh mein kho gae
ik kaaenaat ban ke ubharne laga hoon main
itnon ka pyar mujh se sambhaala na jaaega
logo tumhare pyar se darne laga hoon main
dilli kahan gain tire koochon ki raunquein
galiyon se sar jhuka ke guzarne laga hoon main
Responses
No comments yet. Be the first to respond.