koo-e-gham-e-hayaat mein sab umr kaat di

thoda sa waqt wan bhi guzaar aae ye nahi

khud ishq qurb-e-jism bhi hai qurb-e-jan ke saath

ham door hi se un ko pukaar aae ye nahi

aankhon mein dil khule hon toh mausam ki quaid kya

fasl-e-bahaar hi mein bahaar aae ye nahi

ab kya karein ki husn jahan hai azeez hai

tere siwa kisi pe na pyar aae ye nahi

waadon ko khoon-e-dil se likho tab toh baat hai

kaaghaz pe quismaton ko sanwaar aae ye nahi

kuchh roz aur kal ki murawwat mein kaat lein

dil ko yaqueen-e-waada-e-yaar aae ye nahi