zarre hi sahi koh se takra toh gae ham
dil le ke sar-e-arsa-e- aa toh gae ham
ab naam rahe yaa na rahe mein apna
roodaad-e-wafa daar pe dohra toh gae ham
kahte the jo ab koi nahi jan se guzarta
lo jan se guzar kar unhein jhutla toh gae ham
jan apni ganwa kar kabhi ghar apna jala kar
dil un ka har ik taur se bahla toh gae ham
kuchh aur hi aalam tha pas-e-chehra-e-yaaran
rahta jo yoonhi raaz use pa toh gae ham
ab soch rahe hain ki ye mumkin hi nahi hai
phir un se na milne ki quasam kha toh gae ham
utthein ki na utthein ye raza un ki hai jaalib
logon ko sar-e-daar nazar aa toh gae ham
Responses
No comments yet. Be the first to respond.