watan ko kuchh nahi khatra nizaam-e-zar hai khatre mein
haqueeqat mein jo rahzan hai wahi rahbar hai khatre mein
jo baitha hai saf-e-maatam bichhaae -e-zulmat par
wo nauhaagar hai khatre mein wo daanish-war hai khatre mein
agar tashweesh laahaque hai toh sultaanon ko laahaque hai
na tera ghar hai khatre mein na mera ghar hai khatre mein
jahan iqubaal bhi nazr-e-khat-e-tanseekh ho jaalib
wahan tujh ko hai tira jauhar hai khatre mein
Responses
No comments yet. Be the first to respond.