us raoonat se wo jeete hain ki marna hi nahi
takht par baithe hain yoon jaise utarna hi nahi
yoon mah-o-anjum ki waadi mein ude phirte hain wo
ke zarron pe jaise paanw dharna hi nahi
un ka daawa hai ki sooraj bhi unhi ka hai ghulaam
jo ham par aai hai us ko guzarna hi nahi
kya ilaaj us ka agar ho muddaa un ka yahi
ehtimaam rang-o-boo gulshan mein karna hi nahi
zulm se hain barsar-e-paikaar aazaadi-pasand
un pahaadon mein jahan par koi jharna hi nahi
dil bhi un ke hain siyah khooraak-e-zindan ki tarah
un se apna gham bayan ab ham ko karna hi nahi
intiha kar lein sitam ki log abhi hain khawaab mein
jaag utthe jab log toh un ko thaharna hi nahi
Responses
No comments yet. Be the first to respond.