tum se pahle wo jo ik shakhs yahan takht-nashin tha
us ko bhi apne hone pe itna hi yaquin tha
koi thahra ho jo logon ke muquabil toh bataao
wo kahan hain ki jinhein naaz bahut apne tain tha
aaj soe hain tah-e- na jaane yahan kitne
koi shola koi shabnam koi mahtaab-jabin tha
ab wo phirte hain isi shahar mein tanha liye dil ko
ik zamaane mein mizaaj un ka sar-e-arsh-e-barin tha
chhodna ghar ka hamein yaad hai jaalib nahi bhoole
tha watan zehan mein apne koi zindan toh nahi tha
Responses
No comments yet. Be the first to respond.