na dagamgaae kabhi ham wafa ke raste mein
ham ne jalaae hawa ke raste mein
kise lagaae gale aur kahan kahan thahre
hazaar ghuncha-o- hain saba ke raste mein
khuda ka naam koi le toh chaunk uthte hain
mile hain ham ko wo rahbar khuda ke raste mein
kahin salaasil-e-tasbeeh aur kahin zunnaar
bichhe hain daam bahut muddaa ke raste mein
abhi wo manzil-e-fikr-o-nazar nahi aai
hai aadmi abhi jurm o saza ke raste mein
hain aaj bhi wahi daar-o-rasan wahi zindan
har ik nigaah-e-rumooz-aashna ke raste mein
ye nafarton ki faseelein jahaalton ke hisaar
na rah sakenge hamaari sada ke raste mein
mita sake na koi sail-e-inqalaab jinhein
wo naqsh chhode hain ham ne wafa ke raste mein
zamaana ek sa jaalib sada nahi rahta
chalenge ham bhi kabhi sar utha ke raste mein
Responses
No comments yet. Be the first to respond.