ik shakhs ba-zameer mira yaar musahfi
meri tarah wafa ka parastaar musahfi
rahta tha kaj-kulaah ameeron ke darmiyan
yaksar liye hue mira kirdaar musahfi
dete hain ghair ko kab ahal-e-lakhnaoo
kab daad ka tha un se talabgaar musahfi
naa-quadri-e-jahan se kai baar aa ke tang
ik umr sher se raha bezaar musahfi
darbaar mein tha baar kahan us ghareeb ko
barson misaal-e-meer phira khwaar musahfi
main ne bhi us mein guzaari hai ro ke umr
milta hai us gali mein kise pyar musahfi
Responses
No comments yet. Be the first to respond.