par jo zakhm hain wo dikhaaein kisi ko kya
apna shareek-e- banaaein kisi ko kya
har shakhs apne apne ghamon mein hai mubtala
zindan mein apne saath rulaaein kisi ko kya
bichhde hue wo yaar wo chhode hue dayaar
rah rah ke ham ko yaad jo aaein kisi ko kya
rone ko apne haal pe tanhaai hai bahut
us anjuman mein khud pe hansaaein kisi ko kya
wo baat chhed jis mein jhalakta ho sab ka gham
yaadein kisi ki tujh ko sataaein kisi ko kya
soe hue hain log toh honge sukoon se
ham jaagne ka rog lagaaein kisi ko kya
jaalib na aaega koi ahwaal poochhne
dein shahar-e-be-hisan mein sadaaein kisi ko kya
Responses
No comments yet. Be the first to respond.