-e-pur-shauque ko pahloo mein dabaae rakkha
tujh se bhi ham ne tira pyar chhupaae rakkha
chhod is baat ko ai dost ki tujh se pahle
ham ne kis kis ko khayaalon mein basaae rakkha
ghair mumkin thi zamaane ke ghamon se fursat
phir bhi ham ne tira dil mein basaae rakkha
phool ko phool na kahte so use kya kahte
kya hua ghair ne kolar pe sajaae rakkha
jaane kis haal mein hain kaun se shahron mein hain wo
zindagi apni jinhein ham ne banaae rakkha
haae kya log the wo log pari-chehra log
ham ne jin ke liye duniyaa ko bhulaae rakkha
ab milein bhi toh na pahchaan sakein ham un ko
jin ko ik umr khayaalon mein basaae rakkha
Responses
No comments yet. Be the first to respond.