baatein toh kuchh aisi hain ki khud se bhi na ki jaaein
socha hai khamoshi se har ik zahar ko pi jaaein
apna toh nahi koi wahan poochhne waala
us bazm mein jaana hai jinhein ab toh wahi jaaein
ab tujh se hamein koi taalluque nahi rakhna
achchha ho ki se tiri yaadein bhi chali jaaein
ik umr uthaae hain sitam ghair ke ham ne
apnon ki toh ik pal bhi jafaaein na sahi jaaein
jaalib -e-dauran ho ki yaad-e-rukh-e-jaanan
tanha mujhe rahne dein mire dil se sabhi jaaein
Responses
No comments yet. Be the first to respond.