afsos tumhein kaar ke sheeshe ka hua hai
parwa nahi ik man ka jo toot gaya hai
hota hai asar tum pe kahan naala-e- ka
barham jo hui bazm-e-tarab is ka gila hai
firaaun bhi namrood bhi guzre hain jahan mein
rahta hai yahan kaun yahan kaun raha hai
tum zulm kahan tak tah-e-aflaak karoge
ye baat na bhoolo ki hamaara bhi khuda hai
aazaadi-e-insaan ke wahin phool khilenge
jis ja pe zaheer aaj tira khoon gira hai
ta-chand rahegi ye shab-e-gham ki siyaahi
rasta koi sooraj ka kahin rok saka hai
tu aaj ka shaair hai toh kar meri tarah baat
jaise mire honton pe mire dil ki sada hai
Responses
No comments yet. Be the first to respond.