jab bhi aankhon mein ashk bhar aae
log kuchh doobte aae
apna mehwar badal chuki thi zamin
ham khala se jo laut kar aae
jitne bhi gum hue shab ke
sab ke ilzaam mere sar aae
chand lamhe jo laut kar aae
raat ke aakhiri pahar aae
ek goli gai thi soo-e-falak
ik parinde ke baal-o-par aae
kuchh charaaghon ki saans toot gai
kuchh b-mushkil dam-e-sahar aae
mujh ko apna pata-thikaana mile
wo bhi ik baar mere ghar aae
Responses
No comments yet. Be the first to respond.