gulon ko sunna zara tum sadaaein bheji hain
gulon ke haath bahut si duaaein bheji hain
jo aaftaab kabhi bhi ghuroob hota nahi
hamaara hai usi ki shuaaein bheji hain
agar jalaae tumhein bhi shifa mile shaayad
ik aise ki tum ko shuaaein bheji hain
tumhaari khushk si aankhein bhali nahi lagtin
wo saari cheezein jo tum ko rulaaen, bheji hain
siyaah rang chamakti hui kanaari hai
pahan lo achchhi lagengi ghataaein bheji hain
tumhare khawaab se har shab lipat ke sote hain
sazaaein bhej do ham ne khataaein bheji hain
akela patta hawa mein bahut buland uda
zamin se paanw uthaao hawaaein bheji hain
Responses
No comments yet. Be the first to respond.