dikhaai dete hain dhund mein jaise saae koi
magar bulaane se waqt laute na aae koi
mire mohalle ka aasman soona ho gaya hai
bulandiyon pe ab aa ke peche ladaae koi
wo zard patte jo ped se toot kar gire the
kahan gae bahte paaniyon mein bulaae koi
zaeef bargad ke haath mein raasha aa gaya hai
jataaein aankhon pe gir rahi hain uthaae koi
pe khol kar gareban duaaein maangein
jo aae ab ke toh laut kar phir na jaae koi
Responses
No comments yet. Be the first to respond.