wasl ka us ke -e-zaar tamannaai hai
na mulaaquat hai jis se na shanaasaai hai
quata ummeed ne kar diye yaksoo sad shukr
shakl muddat mein ye allaah ne dikhlaai hai
quoowwat-e-dast-e-khudaai hai shakebaai mein
waqt jab aa ke pada hai yahi kaam aai hai
dar nahi ghair ka jo kuchh hai so apna dar hai
ham ne jab khaai hai apne hi se zak khaai hai
nashe mein choor na hon jhaanjh mein makhmoor na hon
pand ye peer-e-kharaabaat ne farmaai hai
nazar aati nahi ab dil mein tamannaa koi
baad muddat ke tamannaa miri bar aai hai
baat sachchi kahi aur ungaliyan utthin sab ki
sach mein haali koi ruswaai si ruswaai hai
Responses
No comments yet. Be the first to respond.