kah do koi saaqui se ki ham marte hain pyaase
gar mai nahi de zahar hi ka jaam bala se
jo kuchh hai so hai us ke taghaaful ki shikaayat
quasid se hai takraar na jhagda hai saba se
dallaala ne ummeed dilaai toh hai lekin
dete nahi kuchh ko tasalli ye dilaase
hai wasl toh taqudeer ke haath ai shah-e-khooban
yan hain toh faquat teri mohabbat ke hain pyaase
pyaase tire sar-gashta hain jo -e-talab mein
honton ko wo karte nahi tar aab-e-baqua se
dar guzre dawa se toh bharose pe dua ke
dar guzrein dua se bhi dua hai ye khuda se
ik dard ho bas aath pahar dil mein ki jis ko
takhfeef dawa se ho na taskeen dua se
haali dil-e-insan mein hai gum daulat-e-kaunain
sharminda hon kyoon ghair ke ehsaan-o-ata se
jab waqt pade deejiye dastak dar-e-dil par
jhukiye fuqura se na jhamkiye umra se
Responses
No comments yet. Be the first to respond.